عنتر بن شداد 2007

موضوع: عنتر بن شداد 2007 الخميس مايو 17, 2007 4:26 pm

تعالو بقو شوفو التهيس اللى على حق ربنا يا ردالة ويا بناتيت

طبعا كل عارف عنتر بن عبس

وحبيبتو عبله

وعرفين طبعا ان عنتر كان شاعر وكانو اهل عبله كانو رفضين يجوزو عالو علشان هو عبد ومينفعش يتجوزها

تعالو بقى نشوف عنت ورعبله فى 2007 بقو ازاي

المشهد الاول

عنتر رايح جاى فى الحي اللى سكنه فيه حبيبته عبلة وطبعا معاه شيبوب الاريل بتاعه

عنتر : شيبوب البت اتاخرت اوى دا كانت بتقولى انها كلها نص ساعه وجيه ايه اللى حصل

شيبوب : يعم اتقل متندلقشي عليها اوى كده هتلاقيها بتلبس مانتى عارف بقى لبس الحريم عامل ازاى

عنتر : لالالا انا قلقان عليها قوى روح شوفها اتاخرت ليه

شيبوب : انا هرن عليها او اقولك هبعتلها مسج بس على الله يطمر فيكو الجمايل دى

عنتر : ايه الاخبار يا شيبوب

شيبوب : زى الاهرام يا حبيبى بتقولك استناها عند البير زى كل مره فى الخن بتعكو

المشهد الثانى

عبله جايه على سنجة عشره ضربه بادي وبنطلون جنز نار ولا العطر بقى مقولكشي

عنتر: ماذا دهاكى وقد تركتني اتقلب فى نار الهوي وانتى تعلمى انى لكى مشاقا
عبله : مشاقا انت هتسرح بيا يا عنتر متلخص ياعم امى هتعملى شبوره لو اتأخرت وانا مش عوزه احكها معاها اليومين دول من الاخر يعنى

عنتر : تحكيها ايه يا عبله الالفاظ دى المهم وحشتينى يابت

عبله : وانت كمان لخص وهات من الاخر

عنتر : انتى عرفه انى بحبك ومليش غيرك مش كده يا عبلولتى

عبلة : بقولك ايه يابن زليخه انتى بتسبتنى علشان مصلحه صح ارغي يا حجوج

عنتر: فقسانى يابنت الذينا صح انا من الاخر عوز اشحن الموبيل بتاعى ممعييش رنات وانتى فتحتى عليا انبارح

عبلة : كله ده علشان كرت شحن يا معفن افتكرتك هتطلب حاجه احلى من كده القصد هحولك عشره تمشي معاكى

عنتر : انتى عرفه ان حبيبك اشفور ومفيش شغل خليهم عشرين

عبله : ماشي يا حلو الملامح قولى بقى هتيجى تخطبنى امته سرتنا بقت على كل لسان مش نلم الدور بقى

عنتر : انا بجهز الخيمه اهه على اخر الشهر هجي اقابل ابوكى علشان ميبقلوش حجه ويتنطط عليا

عبلة : يا حبيب قلبى انت كده واد ميه ميه قولى حتيتن ببريزه بقى من بتوعك دول بقالى كتر مسمعتش كلام حلو

عنتر : حبيبتى اهواكى اهوكى والمصحف الشريف اهواكى حبك بطحنى على الحشيش وانا من غيرك مقدرش اعيش احنا الاتنين جوز جزم وفرده وحده متمشيش واعمل ايه فى الدنيا من بعد فراقك يا قلبى فقد زقلطنى الحب زقلوط نمت فى بنها وصحصحت فى اسيوط ايه رئيك بقى يا منى القلب

عبلة : قشطه يا سطه كده انا اكيفت من البقين دول يلا بقى اشوفك امس

عنتر : ايه يا عبله احنا لحقنا نعض مع بعض ملحقتش اشبع منك
عبله : يا خويا لما تخلص الخيمه هتزهق منى ومن اللى خلفونى بس مقدرش اتاخر يلا على رنات بقى سلام

المشهد التالت
اخو عبلة بيشوفها وهيا راجعه من عند عنتر وبيزرها عند ابوها

ابو عبله : اين كنتي يا بنت

عبلة : رحت اسوي شوبنج ياابتى

ابوعبلة : تسوي شوبنج ولا كنتى مع حبيب القلب هذا العبد الحبشي عنتر

عبله : من الاخر علشان متقلبشي دماغ اللى خلفونى اه كنت معاه عندك مانع

ابو عبلة : يا فاجره ايش بينك وبينو يا فاجره انطجي

عبله : مشيين معا بعض

ابو عبله : حبيت العبد يا فاجرة

عبله : اي حبيتو يا بوي

ابو عبله يمسك بالكرباج السودنى ويضرب عبله وهو يقول

ابو عبله : حبيتى العبد يا فاجره
عبله : اى حبيتو يا بوي

ابو عبله : حبيتيه

عبله : اى حبيته يا بوي عنتر مهو عبد عنتر راجلى وسيد الناس

ابو عبله : يبقى هطلع عين امك الليله دى

ويستمر فى ضرب عبله وفى الصباح عبله تتصل باحبيب القلب

عبلة : الو يا سي عنتر

عنتر : ياصباح اللى بتغنى احنا يومنا قشطه انهرده عبلولتى على الصبح كده خييييييير

عبلة : عجبك كده يا روح الروح اللى حصلى بسببك اترنيت علقه انبارح من ابويا بسببك انت تشوفلك حل وتيجى تخطبنى انا مش ناقصه انا ورمت من كتر الضرب

عنتر : علقه !!!!!! ليه يابنتى مانتى متاخرتيش ولا علشان العشرين جنيه اللى انتى بعتهملى صحيح نسيت اقولك مرسي عليهم

عبلة : اى خدمه قدر الجمايل دى وافتكر المهم هتعمل ايه فى موضعنا متسرحشي بيا زى عاويدك

عنتر: كده انا بسرح بيكى ياروح قلبى برضو وانا بحب شوية ترمس علشان اسرح بيك ع العموم انا جيلكو باليل قشطه المهم مزاجك يبقى عنب ياستى اوكشن

عبلة : وهو المطلوب اسباته قشطات عليك ياض طلعت رجوله كنت فكراك هتخلع بس طلعت كفائه يلا سلام بقى علشان الرصيد

المشهد الرابع

عنتر قاعد مع ابو عبله علشان يطلب ايدها منه وجايب بوكيه ورد
وعبلة بتلمع الاوكر كالعادة يعنى
عنتر اسبور بقى

عنتر : ازيك يا عمي

ابو عبله : تك عمى الدبب انا مش عم حد لخص وقول جاى ليه

عنتر : ليه وش الكلب ده من اولها متخليك ايزي يا عزيزي علشان الموضوع كبيركبير يعنى

ابو عبلة : ها اللهم ماطولك ياروح على هذا اللوح عاوز ايه

عنتر : بصي يا عمى من الاخر انت عارف انى ماشي مع بنتك والحي كله عارف فابدل ما يقولو ويعيدو نتلم بقى وانا مجهزلها خيمه عنب اربع سراير بمنافعهم

ابو عبله : انا مش موافق

عنتر : قشطه جدا انا كده عملت اللى عليا وجيت البيت من بابو وكبرتك وعملتك كبير علشان متزعلشي من اللى هيحصل بقى ماشي يابا الحج

ابو عبلة : هتعمل ايه يعنى هتضربني

عنتر: لا لا بضرب ولا بعمل ياعم انا سبت الشغل بتاع فريد شوقي ده من زمان من الاخر هنضرب ورقتن عرفى ونلخص فى الدور

ابو عبلة : يرضيك تمرمغ شرفنا فى الطين يا ولدي

عنتر : مهو انا مش عارف اعملك ايه يعنى

ابو عبله : طب خلاص موافق بس هتدفع مهر قد ايه

عنتر : نعم يا خويا مهر دانت ناقص تقولى وهتجيب شبكه بكام كمان ياعم مهر مين انت لسه فاكر الوضه دى بطلت من زمان

ابو عبلة: امال ايه يابنى انا ابنى لما جيت اجوزو جبتلو شبكة بس بـ7 مليون دولار واختو لازم يندفعلها مهر ويجلها شبكه محترمه

عنتر: يابا الحج الحالة جيبه رطش 7 مليون ايه بس وهو انا لو معايا الف جنيه هبص لبنت متصحصح يا حجوج بقى

ابو عبلة : امال من الاخر هتجيب ايه ؟؟؟ لخص

عنتر : هي دبله وفرش حشيش واظن بكده ابقى وجبت معاك جامد يعنى قشطات
ابو عبلة : دبله ليه يعنى ومكتر على نفسك ليه
عنتر : علشان متقولشي انى حرمتها من حاجه

ابو عبله : ناخد رائ العروسه برضو

وقبل ما ابو عبله يروح يسألها عن رائيها تدخل عبلة وترن زرغوطه فضيحه

عبله : موافقه يا عم انت لسه هتسأل احمد ربنا انو جه هنتأمر كمان

ابو عبلة : يابنتى انتى مش تعرفه هو هيجبلك ايه الاول

عبلة : عارفه دبلة وفرش حشيش وانا من رائي نوفر تمن الدبله

ابو عبلة : والحشيش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عبلة : هبقى افوتلك دبوسين انت وامى علشان تمشي حالك قشطة

ابو عبلة : اه انا بحسب وقعتى قلبى يلا انحرقو بجاز انتو الاتنين انتو حرين اهم حاجه الدبوسين بتوعي

وفى النهاية يتنيلو يتجوزو وابو عبلة يظبط دماغه بالدبوسين

وانتظرونا فى الفصل الثاني ان شاء الله

التوقيع

حبيبتى اهواكى اهوكى والمصحف الشريف اهواكى حبك بطحنى على الحشيش وانا من غيرك مقدرش اعيش احنا الاتنين جوز جزم وفرده وحده متمشيش واعمل ايه فى الدنيا من بعد فراقك يا قلبى فقد زقلطنى الحب زقلوط نمت فى بنها وصحصحت فى اسيوط ايه رئيك بقى يا منى القلب

جامدة منك والله
مشكورة نانسى