oبتعمل ايه ؟؟ . . . بأشيّت !! n

طراااااااااااااخ

قمت مفزوع من تحت البطانية (في ايه ؟؟؟)

بصيت على الساعة . . . 1:19 ظهرا (يوووووووووووووووه)

قمت ادور على شبشبي و كالعادة لقيت فردة واحدة بس
لبستها و طلعت ادور على اي فردة تانية

فتحت باب الحمام و . . (فيه حاجة لازم اعملها الاول . . ايه ياواد روقة !! ايه ياواد روقة!!)

الكمبيوتر افندي . . صح كده . . دست على الباور و سبته يصطبح براحته

ورحت الحمام و . . نعم ؟!! ( انتوا رايحين فين ؟؟؟ هتخشوا معايا ؟؟ استنوا هنا لما اخلص)
.
.
.
.
.
.
.
.
.
.
.
.
.
.
.

طلعت من الحمام و بعدين رح. .... ( نعم يا حبيبي ؟؟؟) الله ينعم عليك يا سيدي !!

وبعدين بقى ف العيال دي

شغلت البويلر و ظبطت مج شاي عجب

(روقة !!)
انا : نعم !!
ماما : يا ريت بدل مانتا قاعد على النت طول النهار كده تعمللك حاجة مفيدة
انا : حاجة مفيدة ؟؟ انتي متعرفيش ان النت ده . . ده . .
ماما : ده ايه ؟؟
انا : ده حاجة جامدة !!
ماما : جامدة ؟؟ ربنا يهديك يابني . . . لأ . . ربنا يشفيك !!
انا : آآآآآآآآآمييين يارب . . صحيح ايه الخبط الي كان من شوية ده ؟؟؟
ماما : اخوك كان بيغير الانبوبة و خبطت في الارض
انا : ماتركبوا غاز طبيعي بقى . . انتوا مزهقتوش ؟؟
ماما : ده اللي قدرت عليه ؟؟ بدال ماكنت تقوم تساعده ؟؟
انا : اساعده ليه ؟ ربنا يديه الصحة . . ربنا ما يحوجه لحد
ماما (بقرف) : رووح يابني شوف انت هتعمل ايه !!

ياللا بينا بقى

DSL و مسنجر و كمبيوتر و شاي . . عايز ايه تاني ؟؟

اون لاين

دينج !!

هي : انت كنت فين كل ده ؟؟
انا : اسف يا روحي كنت مشغول اوي
هي : مشغول عني ؟؟
انا : وانا اقدر برضه ؟؟
هي : مشغول بايه ؟؟
انا : كان فيه ناس كتير في المكتب
هي : ستات وللا رجاله ؟؟
انا : هههههههههه . . من ده على ده !!
هي : و طبعا انت خدت راحتك اوي
انا : ايه ده ؟ انتي بتغيري عليا ؟؟؟
هي : واغير ليه يعني ؟؟ لا انا واثقة ف نفسي اوي انا : يا حبيبتي انا عمري ما حد يقدر ينسيني حلاوتك و حبك
هي : وهوه انت لسه شفتني عشان تقول حلاوتي ؟؟
انا : ماهو انتي مش عايزة تبعتيلي صورتك
هي : معلش يا سعيد . . احنا اتكلمنا في الموضوع ده قبل كدهانا : يبقى انتي مش واثقة فيا !!
هي : لأ متقولش كده
انا : امال تسمي ده ايه ؟؟؟ انا قلتلك على كل اسراري و كنت صريح معاكي من الاول . . كل ده مالوش لازمة ؟؟
هي : يا حبيبي انا بس خايفة حد يشوف الصورة عندك في المكتبانا : مين يعني ؟؟
هي : يعني محامي تحت التمرين وللا فراش . . كده يعني !!
انا : ده لو حد دخل مكتبي بس من غير اذني انا اوديه ورا الشمس . .
هي : عارفه يا حبيبي
انا : طب خلاص بقى انا مش عايز صورتك . . براحتك . . بس بجد انا حزين
هي : ليه يا عمري ؟؟
انا : كنت فاكرك بتثقي فيا اكتر من كده
هي : انا هابعتهالك وأمري لله
انا : براحتك !!
(ياااااااااااااااااااااه . . دانتي طلّعتي عيني !!)
loading . . .

ايه ده ؟؟؟
فين العيون الواسعة و الشعر الحرير و ال...

هي : ايه رأيك بقى ؟؟
انا : معقول دي انتي ؟؟ دانا افتكرتك باعته صورة منى زكي
هي : بجد عجبتك ؟؟
انا : بجد زي القمر . . انتي كده خليتيني اش....

(مين دي يالا !!!)
انا : بابا ؟؟
هو : مين اللي في الصورة دي ؟؟
انا : دي صورة لقيتها على الايميل مش عارف مين اللي باعتها . . شكلها مبعوتة غلط
هو : ااااااه . . طيب . . اقفل الكمبيوتر و ياللا عشان تنزل تجيب كيس ملح لوالدتك
انا : حاضر ( احسن برضه . . يا خسارة ال3 شهور حوارات)
هو : هوه انت كنت بتعمل ايه على النت ؟؟
انا : مفيش . . كنت باشيّت

التوقيع

*o*بتعمل ايه ؟؟ . . . بأشيّت !! *n* 60825535

*o*بتعمل ايه ؟؟ . . . بأشيّت !! *n* B514a16c3a

حلوه ااااااااااااااااااااااوى تسلم

يا رب تكون عجبتك فعلا

*o*بتعمل ايه ؟؟ . . . بأشيّت !! *n* Ff99cbfbac

مشكوووووووووور ياغالى

مشكورين على الردود الجميلة

*o*بتعمل ايه ؟؟ . . . بأشيّت !! *n*

oبتعمل ايه ؟؟ . . . بأشيّت !! n